عصفورين بحجر

مو: لَكْ الصيد سوسة، مان.. عم بتشوفو لَ مايك؟جو: لا والله، من زمان ما شفتو. إمتين تعلمت الصيد..مو: من زمان، من أنا وزغير، مان. صرت تاركلو ثلاث مسدجات وما رد هالحقير!..جو: إي عمرو ما يرد.. أديش صارلك ما نزلت ع لبنان؟مو: من لما طالعت رخصة الصيد هون.. شي تلات سنين. بتصدق أنا ما شايفو بس عيب..جو: خلص أحكي مع بيّو.. أهلو كتير أوادم. في عصافير هون؟مو: عصافير أد ما بدك. معاك بطاريات؟..جو: بطاريات؟ لا والله ما معي بطاريات لشو البطاريات؟ وين العصافير مان..مو: نسيت البطاريات بالسيارة. العصافير هون لقدام شوي..جو: اللي بيشوفك مربي عصافير بالبيت بيقول مستحيل فيك تقوص عصفور. إذا بدك أنا بحكيلك مع مايك!
مو: لا تحكيلي معو ولا شي.. خلص الله يسعدو ويبعدو.. بعدين في عصافير للصيد وفي عصافير للصبابة. إي أنا إذا فقت الصبح وما سمعت زقزقة العصافير بيتعكر نهاري كلو، مان..جو: فعلا العالم أذواق.. كان مايك يطلع معاك ع الصيدمو: وجهو بيقطع الرزق، مان،.. ليك.. ليك رف العصافير. بتعرف تتصيد؟جو: كنت صيد منيح.. بس صار لي زمان ما تصيدت.. منّي أقدر أفهم ليش عمل معاك هالضرب العاطلمو: كل واحد بيعمل بأصلو.. وهيدا الزلمة بلا أصل.. رح نصلي للعصافير هونجو: أحسن نصلي ورا الصخرات.. قريب ع النهر. أنا لو مكانك ما بفوتلو ياهامو: لأ.. هون كتير منيح..اعمل منيح وكب بالبحر.. معاك بطاريات بالسيارة؟جو: ما عندي، قلتلك ما عندي. بتعرف أنت قلبك طيب.. مو علشان شي.. خليه يتربى!مو: إي عمرو ما يتربى.. الله يصلحو وبس.. ليك رف العصافير ليك..جو: صدقني هو جادبها وماشي لأنو ما في حدا يوقفو عند حدو.. خلينا نقدم لقدام شويمو: إي أفضل.. بس شو فيني أعمللو، مان..جو: شو فيك تعمللو. لو أنا مكانك لأعمللو العجايب.. أعمللو خازوق ما ينساه بحياتو!..مو: أنت هيك رأيك؟!..جو: معلوم.. هيدا أقل الشي، مان، وين العصافير..